Presentazion dal mensîl in lenghe furlane a Gardiscje, li de ex Sale Consiliâr dal Palaç dal Mont di Pietât, Vinars ai 12 di Otubar aes 6 e mieze di sere
La Proloco e il Comun di Gardiscje a organizin la presentazion dal mensîl in lenghe furlane “La Patrie dal Friûl” (http://www.lapatriedalfriul.org) , li de ex Sale Consiliâr dal Palaç dal Mont di Pietât aes 6 e mieze di sere di Vinars ai 12 di Otubar.
Pe ocasion e vignaran ilustrâts al public i contignûts dal ultin numar de riviste, che e conte il Friûl cuntun voli furlan e furlanist: une vore di atualitât, tantis rubrichis che a van de storie aes gnovis tecnologjiis, de leterature ae emigrazion.
La presentazion si vierzarà cul intervent di Paolo Sonson di Gardiscje che al declamarà dôs poesiis par furlan dal concitadin Pino Odorico.
Vie pe serade di Gardiscje, al intervegnà Dree Valcic, diretôr da La Patrie dal Friûl, in mensîl in lenghe furlane diret par agns di pre Beline.
