Sabide ai 9 di Jugn aes 6 di sere li dal Mulin di Rivis (Vie Molin Gnûf, Rivis di Sedean) e vignarà fate la scree de mostre “A disevin in chel mulin”: une racuelte di 80 ilustrazions sù par jù che e conte, par mieç des imagjinis, i mîts e lis leiendis furlanis.
La iniziative, inmaneade de Aministrazion comunâl di Sedean, in colaborazion cul Centro Solidarietà Giovani “Giovanni Micesio” e cul jutori de Pro Loco di Rivis, e fâs part des ativitâts indreçadis cun chê di pandi e di valorizâ la lenghe, la culture e lis tradizions furlanis e ancje la struture museâl dal Mulin di Rivis che dal 2009 al è, insiemi cun altris 117 realtâts jenfris chestis o ricuardìn ancje la Cjase indulà che al è nassût Pari David Maria Turoldo e Cjase Rinaldi-Uarnèl, de “Rêt Museâl Provinciâl”.
La mostre che insiorarà i spazis dal Mulin di Rivis e met adun lis oparis
