Ultims dîs par viodisi «Gnognowood, il Jurassic al jere dut un cine!», la mostre gjavade fûr dal ultim libri dai Gnognosaurs, i dinosaurs a fumuts che fevelin furlan creâts di Dree Venier. Lait a viodi i poster dai cines plui famôs di dut il Jurassic, a fâsi la foto puartefortune sot dal gnognosbit, a scrivi lis frasis plui famosis dai cines jurassics, a fâsi la foto di gnognosaur, a amirâ il GnognOscar, a viodi i disens origjinâi, a cjalâ i video e a svintulâ la gnognobandiere. La mostre e je vierte fint a dute domenie ai 15 di Avrîl, li dal foyer dal cine Visionario, a Udin in vie Asquini 33. Jentrade libare, oraris chei dal cine. Achi, li dal gnognoblog, cualchi foto dal alestiment (par cure di Piera Nodari) e de screadure fate ai 3 di Avrîl. E sul gnognoFacebook ancjemò plui fotos e notiziis: devente amî dai Gnognosaurs!
