Concors leterari dal Comun di Remanzâs

0

L’Assessorât pe Culture e il Sportel pe Lenghe furlane dal Comun di Remanzâs
Us invidin a partecipâ e a promovi la partecipazion al concors leterari
“TARLECS E COMAREÇS JENFRI BOCÂL E CRESIME”.
Si trate di scrivi un test in lenghe furlane (e in grafie uficiâl):
un dialic jenfri i personaçs di Bocâl (il Carnevâl) e di Cresime (la Cuaresime) daûr de formule tradizionâl dal “contrast”.
Lis oparis a varan di mantignî, come che e vûl la tradizion, une conotazion distinte tra i doi personaçs:
un (Bocâl) mataran e cence regulis, chel altri (Cresime) austêr e penitent.
Il sogjet dal dialic comic al varà di jessi un coment ai avigniments dal ultin an,
di no plui di 7000-8000 batudis (spazis comprendûts).
Il dialic che al vinçarà al vignarà interpretât e metût in sene di Cresime e di Bocâl
te zornade de tradizionâl Mascarade di Remanzâs ai 11 di Març dal 2012 ae fin de sfilade.
Al autôr dal test vincidôr i vignarà ricognossût un premi in bêçs.
La scjadince pe consegne dal elaborât e cole ai 29 di Fevrâr dal 2012.
Us ricuardìn che l’Operadôr dal Sportel pe Lenghe Furlane
al è a vuestre disposizion par mostrâus esemplis di tescj tradizionâi
o che a àn partecipât tai agns passâts, e par consulencis su la grafie.
In zonte il bant complet.

Share.

About Author

Leave A Reply

*

%d blogger hanno fatto clic su Mi Piace per questo: